Que atoparás nas nosas clases?

Contamos con profesores altamente cualificados en cada materia e de recoñecida traxectoria artística. Os nosos mestres son grandes transmisores da música tradicional galega, porque eles mesmos a aprenderon dos seus maiores, investigando sobre o terreo, percorrendo aldea por aldea e recollendo e rescatando cantigas, melodías, letras e bailes directamente das fontes. Todos eles teñen unha grande experiencia didáctica e tamén como directores artísticos en cadansúa especialidade. 

Xa que os nosos mestres viaxan dende Galicia para aprendernos en Madrid, as clases son intensivas, un día ao mes. A metodoloxía garante o máximo aproveitamento por parte do alumno e dótao de ferramentas e recursos para repasar e avanzar pola súa conta deica a vindeira clase. Paralelamente, a Asociación organiza ensaios periódicos conxuntos para integrarmos toda esa aprendizaxe das distintas materias e… gozarmos!